新加坡、香港同大陆都係目标市场！
「大隻仔」温家伟原来近日已与无綫完约，并决定离巢发展，现身在新加坡拍剧的他坦承是本月中完约，无綫亦有与他倾过续约：「倾过一段时间，但倾唔掂，发觉大家理念、方向同条件都好似唔係好同步。（因为冇机会发展？）又唔係，当然唔係最有机会发展，但keep住有饮食节目，但我想拍剧，但拍剧机会唔係非常多。」
为入TVB搬嚟香港
凭《香港先生选举》入行的他已在无綫10年，坦言一定唔捨得：「我喺TVB出身，搬嚟香港係为咗入行、入TVB，多谢佢哋畀好多唔同机会我做饮食节目、综艺节目同拍剧，呢10年学咗好多嘢，冇TVB都冇2019年嘅温家伟，虽然係有啲可惜，冇得再继续同佢哋合作。」
新加坡发展又拎奖又做收视冠军
谈到之后的发展，他表示签了一间公司在新加坡发展，而在新加坡的发展都几顺利，其中两年前第一部在新加坡拍的剧早前在韩国夺得亚洲电视剧奖项，而现时播紧的剧更在当地破纪录：「喺第一个星期最高收视嘅剧，好开心，角色有得发挥。」他亦谓现时在当地拍紧剧，更是首次做男主角，坦言开心又有难度：「因为成套戏要carry，无论现场定休息要keep住状态，所有人都係睇紧你，如果懒或迟到，或好慢先埋位，会影响到所有人，所以会比较攰啲，拍完返屋企要背剧本，又要休息同做自己其他嘢，不过真係好开心嘅阶段，可以做男主角，希望可以继续行落去。」之后都会继续在当地拍几套剧和广告。
仍望继续香港发展
但他坦言都想继续在香港发展：「因为新加坡公司係for新加坡同美国发展，但我都继续想喺香港发展，所以想搵经理人公司签约，无论电视剧、电影、广告咩都好，因为我始终係香港娱乐圈出身。」他亦希望可以到内地发展，在内地都继续有试镜，而他自己亦开了间製作公司，会拍广告及网上短片，又开设网上饮食节目，keep住在网上跟大家分享每日做的事。而谈到工作忙碌，岂不是没时间拍拖？他坦言已与新加坡混血儿索女Sofia分手，因为太忙没时间好好相处，现时单身的他亦谓会专心工作，未有时间拍拖。
